Солярийден улам кулагынан айрылган аял. Англиядагы окуя

Англиянын Болтон шаарынын тургуну күнгө көп кактанам деп бир кулагынан ажырады. Бул тууралуу Unilad басылмасы жазды.

​Билдирмеге караганда, Антеа Смит (Anthea Smith) аттуу англиялык аял 14 жыл тынбай солярийге барып турганы аныкталды.

«Күнгө күйүүнү адатка айлантып алгам. Мага өзүмдү ошондой алып жүрүү жакчу. Солярий тез эле күйгүзүп койгондуктан, бул процедурага тынбай бара берчүмүн», — деди Смит.

Ал ультрафиолет нуру тери рагын өрчүтүп жиберерин билген эмес. Дарыгерлер 44 жаштагы Смиттин меланомасы бар экенин аныкташкан. Бул залалдуу шишик аялдын сол кулагын билинбей «өлтүрө» берген. Оору аныкталгандан кийин эки жолу операция жасалган. Жыйынтыгында ал сол кулагынан ажыраган.

Бактыга жараша, Смит аман калган, бирок сол кулагы укпайт. Дарыгерлер аял ракка кайра кабылышы мүмкүн экендигин айтышкан.

Булак: Спутник Кыргызстан