«Коопсуз шаардан» Үсөновдун кулагы чыктыбы?

«Коопсуз шаардан» Үсөновдун кулагы чыктыбы? Даниил Урицкий деген атка жамынган Данияр Yсөнов учурда “Беларус улуттук биотехнология корпорациясын” башкарат. Ал 2010-жылдын 7-апрелиндеги революциядан кийин кылмыш иши козголуп өлкөдөн качып кеткен. Натыйжада сыртынан сот өкүмү чыгып кесилген. Эми ушул Үсөновдун кулагы Абылгазиевдин 120 миллион долларга бааланган коррупция жыттанган «Коопсуз шаар» долбоорунан чыгып жатат. Башкача айтканда, «Коопсуз шаар» долбоорунун экинчи этабы боюнча 5,7 млрд. сомго бааланган тендерге катышып жаткан үч ишкананын бири БИС компаниясынын артында Данияр Үсөнов тураары айтылды. Бирок орусиялык БИС компаниясы Кыргызстандын мурдагы өкмөт башчысы Данияр Үсөнов менен байланышы тууралуу маалыматты четке кагууда.

Булак: Фабула