Алмазбек Атамбаев экинчи ирет суракка чакырылды

Экс-президент Алмазбек Атамбаевге экинчи ирет Ички иштер министрлигинин Тергөө кызматына суракка чакырылды.

Чакырууну милиция кызматкерлери Атамбаевдин Кой-Таштагы үйүнө алып барып, КСДПнын саясий кеңешинин мүчөсү Нурбек Касымбековдун колуна тапшырышты.

Анда мурдагы президент Алмазбек Атамбаев 11-июлда саат 10.00гө күбө катары суракка чакырылган.

Белгилей кетсек Азиз Батукаевдин абактан чыгарылышы боюнча күбө катары Атамбаев 2-ирет чакырылып жатат.

Эске салсак Алмазбек Атамбаев буга чейин Ички иштер министрлигинин Тергөө кызматына суракка чакырылган. Бирок ал суракка барбай тургандыгын айткан.

Булак:eldik.media